Мектеп ғимараттары мемлекеттік комиссияның тексеруінсіз, коммуналдық меншікке қабылданбастан пайдалануға беріліп жатыр. Мұндай өрескел заң бұзушылықтар барлық аймақта кездесіп отыр, — деді бүгін үкіметтің селекторлық кеңесінде сөз сөйлеген ҚР Білім және ғылым министрі Жансейіт Түймебаев.
«100 мектеп, 100 аурухана» бағдарламасының орындалу барысын баяндай келе министр «білім ғимараттарының пайдалануға берілуінің кешігу жағдайы Оңтүстік Қазақстан, Қызылорда, Ақмола облыстары мен Астанада көп кездесіп отыр», — деді. Сондай-ақ министр мектеп нысандарының өз бағасынан гөрі қымбаттап кетуін атап өтті.
