Бүгін Парламент Сенатының жалпы отырысында Сенат төрағасы Қ.Тоқаев ҚР президенті Н.Назарбаевты «Қазақстанның Еңбек Ері» жоғары дәрежелі атағына ұсынды.
«Жақында Парламент «Мемлекеттік наградалар туралы» заңға өзгерістер енгізіп, ол бойынша мемлекеттің жоғарғы дәрежелі наградасы болып табылатын «Қазақстанның Еңбек Ері» атағын тағайындауды бекітті. Бұл құрметті атаққа мемлекет басшысын ұсыну жоғарғы палата депутаттарының ортақ пікірі, біздің бұл ұсынысымызды Мәжіліс депутаттары да қолдайды деп сенемін», — деді Қ.Тоқаев.
