Accessibility links

Қазақ президенті орыс Патриархының қайтыс болуына көңіл айтты


Қазақстан президенті Нұрсұлтан Назарбаев Орыстың православие шіркеуінің Қасиетті синодына Патриарх ІІ-Алексийдің қайтыс болуына байланысты көңіл айтқан жеделхат жолдады.
“Мәскеудің және бүкіл Ресейдің ардақты Патриархы ІІ-Алексийдің марқұм болғанын асқан қайғымен, өкінішпен естідім”, -делінеді Қазақстан президентінің жеделхатында.
Н.Назарбаевтың атап көрсетуінше, “Орыстың православие шіркеуінің абырой-беделін нығайтуға, қоғамның рухани саладағы қайта жандануына ІІ-Алексийдің қосқан зор үлесін асыра бағалау мүмкін емес”.
Жеделхатта әлемдік және дәстүрлі діндер жетекшілерінің сиездерін Астанада өткізуге нақ марқұм Патриарх ІІ-Алексийдің бата бергені айтылады.
Президент Н.Назарбаев бүкіл Қазақстан халқының және өзінің атынан Патриархтың туыстары мен жақындарына, қайғыға батқан бүкіл Ресей халқына және дін қызметкерлеріне көңіл айтады.

AzattyqTV

Аудиоподкаст

XS
SM
MD
LG