Accessibility links

Ресей марқұм патриархымен қоштасуда


Мәскеуде Ресей жұртшылығы Орыстың православие шіркеуінің патриархы ІІ-Алексиймен қоштасуда. Марқұмның табыты қойылған Құтқарушы Христос шіркеуіне мыңдаған жұрт келіп үлгерді. Қоштасуға келгендер бірнеше сағат бойы кезекте тұрады.
Ресей президенті Дмитрий Медведев марқұм патриархты жерлейтін 9 желтоқсан күні барлық ойын-сауықты доғаруды ұсынды. Президенттің жарлығында, сонымен қатар, Ресейдегі барлық телерадиоарналардың аза тұту рәсімін жан-жақты көрсетуге тиіс екені айтылды.
Мәскеудің және бүкіл Ресейдің Патриархы ІІ-Алексий – 5 желтоқсан күні 79 жасында дүниеден өтті.
Орыстың православие шіркеуінің Қасиетті синоды Смоленск әрі Калининград митрополиті Кирилды патриахтың тағына уақытша отырғызды. Ол шіркеуді Поместный храмында жаңа патриарх сайланғанша басқарады.

AzattyqTV

XS
SM
MD
LG