Accessibility links

Қазақстан: оппозициялық журналист ауруханада тұтқындалды


Қазақстанның Ұлттық қауіпсіздік комитетінің баспасөз-қызметі “Алма-Ата-ИНФО” газетінің бас редакторы Рамазан Есіргеповтің тұтқындалғанын растады.
Баспасөз қызметінің ҚазТАГ агенттігі келтірген хабарына қарағанда, “мемлекеттік құпия болып табылатын мәліметтерді заңсыз жинап, жариялағаны үшін бас редактордың үстінен қылмыстық іс қозғалып, оны тұтқындау туралы шешім қабылданды. Қазір ол қауіпсіздік комитетінің Жамбыл облыстық департаментінің тергеу абақтысында отыр”.
Алайда “Журналистер апатта” атты журналистердің құқын қорғайтын қордың президенті Розлана Таукина “Алма-Ата-ИНФО” газетінің бас редакторын қан қысымы асқынып, ауруханада жатқан жерінде ұстап алып кеткен Қауіпсіздік комитеті қызметкерлерінің әрекетін заңсыздық деп бағалады.
Ұлттық қауіпсіздік комитетінің баспасөз қызметі Р.Есіргепов тұтқындалғанда оның денсаулығы түзелді деген дәрігерлік анықтама болғанын мәлімдейді.

AzattyqTV

Ресей мен Беларусь

Жұрт неге наразы?

XS
SM
MD
LG