ЕуроОдақ дипломаты Таяу Шығысқа бет алды

Еуропа Одағының сыртқы саясат басшысы Хавиер Солана Израиль мен Хамас арасындағы бітімді бекітуге бағытталған халықаралық әрекеттерге қосылу үшін Таяу Шығысқа аттанды. Еуропа Одағы Газа секторындағы қарапайым халыққа арналған қайырымдылық көмегін көбейтіп жатыр. Сәрсенбі күні Израилде Солана президент Барак Обаманың Таяу Шығыстағы жаңа өкілі Джордж Митчелмен кездеспекші. ЕуроОдақ дипломаты сондай-ақ сейсенбі күні Қайырда Мысыр президенті Хосни Мубаракпен келіссөз өткізеді.