Бүгін, 30-қаңтарда Мәскеуде ҰҚШҰ және ЕурАзЭҚ сарапшылары экономикалық дағдарыс жағдайында заңсыз көші-қонға қарсы тұру және еңбек мигранттарының әлеуметтік және еңбек құқықтарының сақталуын қамтамасыз ету мәселелерін талқылайды, — деп хабарлайды ҰҚШҰ хатшылығының баспасөз қызметі.
«ХХІ ғасырдағы жаһандану жағдайында заңсыз көші-қон мәселесін заман талабы тудырып отыр. Заңсыз көші-қон адам және есірткі саудасы, трансшекаралық қылмыс, халықаралық терроризм сияқты өзекті де қауіпті мәселелермен тығыз байланысты», — ҰҚШҰ бас хатшысы Николай Бордюжа.
