Accessibility links

Назарбаев шикізат саласынан түсетін қаржыны дағдарысқа қарсы бағыттауды ұсынды


Бүгін парламенттің қос палатасының бірлескен отырысында жасаған үндеуінде Қазақстан президенті Нұрсұлтан Назарбаев елде 2009-2010 жылдары дағдарысқа қарсы жаңа бағдарламаны шикізат саласынан түсетін қаржының есебінен жүзеге асыруды ұсынды.

«Жаңа бағдарламаға, осыған дейін Ұлттық қордан бөлінген қаржыға қосымша, 600 млрд теңгеге жуық бөлінетін болады», - деген Назарбаев бұның «уақытша, бірақ қажетті шара» екенін атап айтып, әлемдік дағдарыстың әлі жалғасуы мүмкін екендігін ескертті.

Бұған дейін шикізат саласынан түскен қаржы Ұлттық қорға аударылып келген-ді. Қазақстан өкіметі осыған дейін дағдарысқа қарсы шараларға Ұлттық қордан 10 млрд АҚШ доллары көлемінде қаржы бөлген.

Қазір 1 АҚШ долларының бағамы 150 теңгені құрайды.
XS
SM
MD
LG