Ауғанстан президентінің өкілеттілік мерзімі ұзартылды

Ауғанстан жоғарғы сот билігі президент Хамид Карзайдың өкілеттілік мерзімін тамыз айында өтетін жаңа мемлекет басшысының сайлауына дейін ұзартты.

Жоғарғы соттың шешімі Карзайдың 21 мамырда аяқталатын өкілеттілігіне байланысты ұзаққа созылған президент тағына қатысты түсініспеушілікті айқындап берді. Жоғарғы соттың мәлімдемесінде президенттің өкілеттілік мерзімін ұзартудың мемлекеттік тұрақтылықты қамтамасыз ету қажеттілігінен туындағаны айтылған.