АҚШ президенті Барак Обама Қытайға осы жылдың соңында барып қайту туралы шақыруды қабыл алды. Ол шақыруды Қытай президенті Ху Цзиньтао жасаған еді. Қос президент Лондонда, Үлкен 20-лық саммиті қарсаңында, сәуірдің 1-де кездескен болатын. Олар ғаламдық экономикалық дағдарысты ауыздықтауда үйлесімділік пен әріптестікті ұлғайтуға келісті. Қос ел сондай-ақ АҚШ-Қытай Стратегиялық және экономикалық диалогын қалыптастыруға келісті.
