Қазақстан доңыз тұмауы жайылуының алдын алу мақсатында мемлекеттік шекарасындағы эпидемиологиялық бақылауын күшейтті. Денсаулық сақтау министрлігі баспасөз қызметінің мәлімдеуінше, елдің халықаралық әуежайлары мен кедендік қызметтеріндегі шекаралық тексеру бекеттерінде санитарлық бақылау күшейтілген. Шетелден келген жолаушылар сұраққа алынып, дәрігерлердің тексеруінен өтіп жатыр. Бұл туралы Итар-Тасс ақпарат агенттігі хабарлады.
