Әл-Малики Францияны Ираққа инвестиция құюға шақырды

Премьер-министр Нури әл-Малики мен тағы басқа Ирақ министрлері дүйсенбі күні Парижде Франция ресмилерімен кездеспек. Екі ел арасындағы қарым-қатынастар 2003 жылы басталған соғысқа қатысты шиеленісті жағдайға тап болған еді. Әл-Малики президент Николя Саркозимен және премьер-министр Франсуа Филлонмен сондай-ақ бизнес өкілдерімен кездеседі деп жоспарланған. Дипломаттар мен журналистердің алдында сөйлеген сөзінде әл-Малики Францияны Ираққа инвестиция құюға шақырды.