Accessibility links

Сирияда ондаған шеруші өлтірілді деп хабарланды


Сириялық адам құқын қорғаушы топтардың айтуынша, жұма күні Сирия қауіпсіздік күштері президент Башар әл-Асадтың биліктен кетуін талап етіп шыққан 60-тан астам шерушіні өлтірген.

"Сауасиях" тобының мәліметінше, Дераа, Рустун, Латакия, Хомс және Қадам қалаларында 62 адам өлтірілген. Бұл топ өзінде құрбан болғандардың аты-жөндері бар екенін айтып отыр. Сириядағы адам құқығын бақылау ұйымы да жұма күні Сирияда ондаған адамның қаза болғандығын хабарлады.

Сирия билігінің айтуынша, сәуірдің 29-да "лаңкестік топтар" қауіпсіздік күштерінің 9 мүшесін өлтірген. Мемлекеттік ақпарат агенттігінің мәліметінше, Дераа қаласында қауіпсіздік күштері 156 адамды қамауға алған.

Жұма күні ондаған мың наразылық танытушылар көшеге шығып, Асадтың биліктен кетуін және саяси бостандықтарды талап етті.

AzattyqTV

XS
SM
MD
LG