Қ. Тоқаев: ЕҚЫҰ-на Қазақстанның төрағалығы Орталық Азияға назар аударуға мүмкіндік береді

Қазақстанның ЕҚЫҰ-ға төрағалық етуі Орталық Азия мәселелерінің шешілуіне Еуропаның назар аударуына мүмкіндік береді деп есептейді ҚР Парламент сенатының төрағасы Қасым-Жомарт Тоқаев.

Оның айтуынша, Еуропаға ұмтылған Қазақстан өзінің ұлттық және мәдени құндылықтарынан бас тартпайды. Сондай-ақ ірі еуразиялық мемлекет ретінде Қазақстанға Ресеймен одақтық байланысты, Қытаймен тату көршілік пен тұрақты ынтымақтастықты, АҚШ-пен серіктестікті, Орталық Азия мемлекеттерімен ынтымақтастық пен интеграцияны дамытуға бағытталған сыртқы саясаттың стратегиялық маңызы зор.