Accessibility links

Ақылбек Күрішбаев: Қазақстан жерінің бір де бір гектары шетелдіктерге жалға берілген жоқ


Қазақстан жерінің бір де бір гектары шетелдіктерге жалға берілген жоқ, — деді ҚР Ауыл шаруашылық министрі Ақылбек Күрішбаев.

«Республиканың ауыл шаруашылығына шетелдіктердің келу мүмкіндігі мен оларға жердің жалға берілуі қауіп тудырмауы керек, өйткені бір де бір гектар жер шетелдіктерге жалға берілген жоқ», — деді министр.

Соңғы уақытта БАҚ-да Қазақстан жерінің шетелдіктерге жалға берілу мүмкіндігі қызу талқылануда. Бұл дискуссия ҚР Ауыл шаруашылық вице-министрі Арман Евниевтің сөзіне байланысты туындаған еді.

Бұдан бұрын хабарлағанымыздай, Арман Евниев республиканың он облысында, негізінен Солтүстік Қазақстан, Батыс Қазақстан және Шығыс Қазақстан облыстарында қайсыбір себептермен ауыл шаруашылық айналымға қосылмаған 3,5 миллион гектардан астам жер анықталғанын айтты. Оның сөзіне қарағанда, ол жерлер мемлекет меншігі болып табылады, бірақ 49 жылға жер пайдаланушыларға бекітілген.

AzattyqTV

XS
SM
MD
LG