Accessibility links

Астанада Еуроатлантикалық серіктестіктің форумы өтпек


Маусым айының 24-25-і күндері Астанада Еуроатлантикалық серіктестік Кеңесінің ІІІ Қауіпсіздік форумы өтеді, — деп хабарлайды ҚР СІМ –нің ресми өкілі Ержан Ашықбаев.

Еуроатлантикалық серіктестік Кеңесінің Қауіпсіздік форумы ТМД аумағында, сондай-ақ Азия құрлығында алғаш рет өткізілмекші.

Өңірлік және жаһандық қауіпсіздік мәселелерін ашық және еркін талқылауға арналған форумның тақырыбы — «Серіктестік арқылы қауіпсіздікке». Форумның сессиясында және тақырыптық мәжілістерінде Орталық Азия мен Кавказ өңірлеріндегі қауіпсіздік, Ауғанстандағы ахуал, энергетикалық қауіпсіздік мәселелері талқыланады.

Форум жұмысына НАТО-ға және ЕАСК-не мүше 50 елден және бірқатар халықаралық ұйымдар өкілдері, сондай-ақ бұқаралық ақпарат құралдары қатысады деп жоспарланған.

Қазақстан 1992 жылы Солтүстік Атлантикалық ынтымақтастық кеңесіне кірді. Ол 1997 жылы Еуроатлантикалық Серіктестік Кеңесі (ЕАСК) деп өзгертілді.

AzattyqTV

27 наурыз

AzatNews

XS
SM
MD
LG