Болгария Косовоның экс-премьерін босатты

Болгария соты осы аптаның басында Сербияның сұрауымен қамауға алынған Косовоның бұрынғы премьер-министрі Агим Чекуді босатты. Чеку 2006-2008 жылдары Косовоның премьер-министрі болған. Сербия билігі оны Косово азаттығы армиясның жетекшісі болған кезде жасаған соғыс қылмыстары бар деп іздеу жариялаған.
Чекуді сейсенбі күні Македониядан Болгарияға кірген кезде полиция ұстаған. Одан кейін Сербия Болгариядан оны экстрадициялауды сұраған.