Accessibility links

Мәскеуде БТА банктің бұрынғы топ-менеджері ұсталды


КазТАГ-тың мәліметінше, Ресей ішкі істер министрлігі мемлекетаралық іздеу салынған Қазақстандық БТА банктің бұрынғы басшы қызметкерлерінің бірі Вероника Ефимованы Мәскеуде ұстаған.

Ресей ішкі істер министрлігі өкілінің айтуынша, 6 наурызда «өзгенің дүние-мүлкін иемденген және талан-таражға салған» деген баппен қылмыстық іс қозғалған 42 жастағы Вероника Ефимова Ресей ішкі істер министрлігі ұйымдастырған шұғыл іздестіру шараларының нәтижесінде қолға түскен.

Ол өткен жұма күні таңертеңгі сағат 8 бен 9 аралағында ресей астанасының Қазан вокзалында ұсталған. Краснодар қаласына кетіп қалмақ болған Вероника Ефимованың қасында балалы әйел болған. Ресейдің құзырлы орындары қамауға алынған БТА банктің топ-менеджерін еліне қайтару үшін оның құжаттарын дайындап жатыр.

Бұдан бұрын хабарланғандай, алдан-ала жүргізілген тергеу жұмыстары 2006-2008 жылдары Мұхтар Әблязовпен бірге жұмыс істеген Вероника Ефимоваға жалпы сомасы 200 миллиард теңгені (1 млрд доллардан астам) құрайтын несиені заңсыз иемденді деген айып таққан болатын.

AzattyqTV

29 наурыз

AzatNews 29.03.2017

Аудиоподкаст

XS
SM
MD
LG