Ресей Қырғызстанда қосымша күштерін орналастырмақ

Қырғызстан өз жерінде Ресейдің қосымша күштерін орналастыруға келісті. Осы жөніндегі меморандумға сенбі күні Қырғызстан президенті Құрманбек Бәкиев пен Ресей президенті Дмитрий Медведев қол қойды.

Шолпон-Атада жасалған меморандумға сәйкес, Ресей контингентінің көлемі батальонға дейін жеткізілуі мүмкін.

Қырғызстан астанасының сыртында Ресейдің Қант әуе базасы бар. Алайда Мәскеу елдің оңтүстігіндегі Ош қаласында да тағы бір базасын ашуды көздеп отыр.