Иран Батыс елдеріне ескерту жасады

Иран сайлау барысындағы шерулерде ұсталғандардың сотына қатысты Батыс елдерінің сыни пікірлерін жоққа шығарып отыр. Сыртқы істер министрлігінің баспасөз хатшысы Хассан Гашгавидің мәлімдеуінше, Теһран өзінің ішкі мәселелеріне шетел мемлекеттерінің араласуына қарсы.

Женксенбі күні БҰҰ-дағы АҚШ елшісі Сюзан Райс Ирандағы әлгі сот істерін «көзбояушылық» деп айыптады. Британия мен Франция да жергілікті елшілік қызметкерлерінің қамауға алынып, сотқа тартылып жатқандығы үшін Теһранды сынады.

Маусым айындағы даулы президент сайлауына байланысты шерулерде жүздеген наразылық танытушы тұтқындалған болатын.