Иран сыртқы істер министрі Бағдадқа барды

Бүгін Иран сыртқы істер министрі Манучир Моттаки ирақтық шииттердің саясаткері Абдель Азиз әл-Хакимнің өліміне көңіл айту үшін Бағдадқа барды.

Ирақтағы Жоғары Ислам кеңесінің жетекшісі әл-Хаким ұзақ ауырып, сәрсенбі күні Ирандағы ауруханада көз жұмған. Оның мәйіті Ираққа жұма күні әкелінген. Оны шииттердің Нажаф қаласында жерлейді.

Бағдадтағы Иран елшілігінің хабарлауынша, Моттакидің Ирақтағы сапары осы күні аяқталады. Ол Нажаф қаласындағы әл-Хакимді жерлеу рәсіміне қатыспайды.