Ақорда: Франция президенті Саркози «Алтын Қыран» орденімен марапатталады

Қазақстанда жұмыс бабымен жүрген Франция президенті Николя Саркози «Алтын Қыран» орденімен наградталады деп хабарлады Ақорда.

«Алтын Қыран» орденімен азаматтар Қазақстан Республикасына сіңірген айырықша мемлекеттік қызметі үшін марапатталады. Орденмен наградтауға лайықтыларды Қазақстан президенті анықтайды.

Қазақстан президенті Нұрсұлтан Назарбаев өзі лауазымы бойынша ерекше үлгідегі «Алтын Қыран» орденіне ие.