Ауғанстанда ұрланған норвегиялық журналист босатылды

Ауғанстанның шығысында бір апта бұрын басып әкетілген норвегиялық журналист ауғандық аудармашысымен бірге босатылды.

Норвегия сыртқы істер министрлігінің өкілі ол екеуі Пәкістанмен шекарада ұсталған деді. Бірақ ол босатылғандар мен оларды ұстағандардың атын атаудан бас тартты.

Журналистің босатылуы Норвегия сыртқы істер министрі Ауғанстанға барып, ел жетекшілерімен кездескен соң болып отыр. Бірақ министрлік өкілі бұл сапар журналист ұрланардан бұрын жоспарланған деді.