Иран президенті Бразилияға барды

Иран президенті Махмуд Ахмадинежад мемлекеттік сапармен бүгін Бразилияға барды. Ол Бразилия президенті Луис Инасио Лула да Сильвамен кездеспек. Иран елшілігінің хабарлауынша, біркүндік сапары барысында Ахмадинежад екіжақты сауда келісімдеріне қол қойып, Конгреске барады және Бразилия университетінде мәлімдеме жасайды.

Иран президенті алдағы күндері Боливия мен Венесуэлаға барады деп жоспарланған.