НАТО басшысы Чехияны Ауғанстанға қосымша сарбаз жіберуге шақырды

НАТО бас хатшысы Андерс Фог Расмуссен чех саясаткерлерін Ауғанстанға қосымша әскер жіберуге шақыру үшін жұма күні Прагаға келді. Премьер-министр Ян Фишермен кездесуінен кейін Расмуссен Ауғанстандағы жаттығулар миссиясын күшейту өте маңызды деп атап көрсетті.

Чехия үкіметі өткен айда Ауғанстанға 55 сарбаз жіберуге келіскен болатын. Бірақ бұл шешімді әлі елдің парламенті мақұлдауы тиіс.