Accessibility links

Алматы облысындағы тасқын салдарын жоюға 500 миллион теңге бөлінді


Қазақстанның ұлттық компаниялары Алматы облысының Ақсу ауданында болған тасқын салдарын жоюға 500 миллион теңге бөлуі қажет. Бұл туралы Қазақстанның премьер-министрі Кәрім Мәсімов сейсенбі күнгі үкімет отырысында мәлімдеді.

Одан өзге, үкімет басшысының орынбасары - индустрия және жаңа технологиялар министрі Әсет Исекешев бюджет қаржысынан "тасқынан зардап шеккен әрбір отбасына 500 мың теңгеден бөлінгенін" атап өтті.

"Соңғы мәлімет бойынша, қаза тапқан 37 кісі: 9 ер адам, 19 әйел, 9 бала табылды", - деді министр Исекешев.

Ақсу ауданындағы Қызылағаш су қоймасында жауған жаңбыр мен ауа температурасының көтерілуі салдарынан 11 наурыз күні жергілікті сағат 22.20-да тоғанның шығыс жағы бұзылды. Соның салдарынан 3 мың адам тұратын Қызылағаш ауылындағы 257 үй судан бүлінді.

AzattyqTV

XS
SM
MD
LG