АҚШ-та Ирақ пен Ауғанстаннан әскерді шығаруға шақырған шеру өтті

Сенбі күні Вашингтонда мыңдаған адам шеру өткізіп, Ауғанстан мен Ирақтағы американ әскерлерін тезарада шығаруды талап етті. Бұл шеру Ирақтағы соғыстың басталғанына 7 жыл толған күнге байланысты өткізілді.

Шараға қатысушылардың көбісі оның ішінде белгілі солшылдар белсендісі Ральф Нэйдер президент Барак Обама саясатын сынап, оны Буш саясатының жалғасы деп атады.

АҚШ күштерін Ирақ пен Ауғанстаннан шығаруға шақырған шерулер Вашингтоннан басқа да қалаларда өтті.