Accessibility links

Қытай премьері зілзала болған ауданға барды


Қытайдағы қуатты жет сілкінісінің құрбандары 617-ге жетті. Елдің апат болған солтүстік-батыс ауданына Қытай үкіметінің төрағасы Вэнь Цзябао барды.

Билік құрбандардың саны өсе түсе ме деп алаңдайды. Өйткені үйінділердің астында әлі талай адам қалды. 300-ден астам кісі хабар-ошарсыз кетті деп есептеліп отыр.

Зілзала болған Цинхай өлкесі әкімдігінің мәліметі бойынша, жергілікті 10 мың тұрғын жараланды.

Сәрсенбі күні болған жер сілкінісінің кіндігі таулы Юйшу оязына жақын жерде 6-дан 9 балға дейін жетіп, оязда ғимарат-үйлердің көпшілігі қирады. Көшкін салдарынан жолдар бұзылды.

Франция, АҚШ және Жапония табиғат апатының салдарымен күресу үшін Қытайға көмек көрсетуге әзір екендерін мәлімдеді.

AzattyqTV

Астанадағы зират

Элитаға пантеон керек пе?

XS
SM
MD
LG