Accessibility links

Уақытша үкімет: Бакиевке адам өлтірді деген айып тағылды


Қырғызстанның уақытша үкіметінің хабарлауынша, биліктен қуылған президент Құрманбек Бакиевке жаппай адам өлтіруді ұйымдастырды деген айып тағылған. Кемінде 85 адамның өмірін қиған зорлық-зомбылық әрекеттерінен кейін Бакиев Қырғызстанды тастап, алдымен Қазақстанға, кейін Беларуске ұшып кеткен болатын. Сәуірдің 7-дегі толқулар барысында үкімет күштері Бакиевтің билігіне наразылық танытушыларға оқ атқан еді.

Осыдан кейін елде құрылған уақытша биліктегі премьер-министрдің орынбасары Әзімбек Бекназаровтың мәлімдеуінше, Бакиевке сондай-ақ қызметін асыра пайдаланды деген айып тағылып отыр. Сейсенбі күні баспасөз маслихатын өткізген Бекназаров Бакиев президенттік иммунитетінен айырылады деп атап көрсетті. Оның айтуынша, Бакиевті экстрадициялау өтініші бірнеше күннің ішінде Минскіге жіберіледі.

AzattyqTV

Аудиоподкаст

XS
SM
MD
LG