Пан Ги Мун журналистер қазасына қатысты мәлімдеме жасады

3 мамырда аталып өтілетін Дүниежүзілік баспасөз бостандығы күні қарсаңында БҰҰ бас хатшысы Пан Ги Мун арнайы мәлімдеме жасады.

Онда ол әлемнің барлық мемлекеттерінің билігін ақпарат құралдарының қызметкерлерін қорғауға шақырды. Журналистерді қорғау халықаралық комитетінің ақпараты бойынша, өткен жылы әлем бойынша 99 журналист қаза болған.

Өз сөзінде Пан Ги Мун журналистер қазасын сынға алып, оған кінәлілерді сот алдында жауап беру керек екендігін айтты.