Қазақстан Қырғызстан босқындарын қабылдауға әзір

Қазақстан төтенше жағдай министрі Владимир Божконың мәлімдеуінше, Астана Қырғызстан азаматтарына гуманитарлық көмек көрсетумен бірге босқындарды қабылдауға әзір.

Соңғы мәліметтерге қарағанда, Қырғызстаның оңтүстігіндегі этникалық қақтығыстардан кейін ондаған мың өзбек азаматы елден босып кеткен. Ош пен Жалал-Абадтағы зорлық-зомбылықтардан қаза болғандардың саны 117-ге жетті.