Accessibility links

Сенбіде Отунбаева қырғыз президенті ретінде ант қабылдамақ


Ресми өкілдердің айтуынша, Қырғызстан Уақытша үкіметінің жетекшісі Роза Отунбаева шілденің 3-де президент ретінде ант қабылдайды.

27 маусымдағы референдумда сайлаушылардың басым бөлігі жаңа конституцияны қолдап дауыс берді. Оған сәйкес, президент құзыры азайтылып, елде парламенттік республика құрылмақ. Қырғыз билігі парламенттік сайлауды қазанның 10-на белгіледі. Сайлаудан кейін елде тұрақты үкімет жасақталады.

Уақытша үкімет сәуір айындағы толқулар барысында бұрынғы президент Құрманбек Бакиев биліктен қуылған соң құрылған болатын.

Отунбаева 2011 жылға дейін президент қызметін атқармақ.

AzattyqTV

XS
SM
MD
LG