Accessibility links

Угандада 2 қастандықтың ізінше күдіктілер тұтқындалды


Угандада ел астанасы – Кампаладағы кем дегенде 74 адам қаза болып, 70 кісі жараланған 2 жарылыстың ізінше күдіктілер тұтқындалды.

Үкіметтің ресми өкілі нақты қанша кісінің тұтқындалғанын айтпай, тұтқындау шарасының Кампаладағы үшінші жерден жарылмай қалған белбеу бомбасы табылғаннан кейін жүзеге асырылғанын хабарлады.

Сомалидің «Әл-Қаида» тобымен байланысы бар экстремистік «Әл-Шабааб» ұйымы 2 қастандық жарылысты да өзі іске асырғанын мәлімдеді.

Сомалидегі африкалық бітім күштерінің құрамында Уганданың да әскери бөлімдері бар.

Жексенбі күнгі 2 жарылыс футболдан Әлем біріншілігінің финалдық кездесуін көру үшін жұрт көп жиналған 2 мейманханада болды.

AzattyqTV

XS
SM
MD
LG