Израиль-Ливан шекарасындағы атыста бір журналист оққа ұшты

Ливанның Израильмен шекарасындағы атыста, соңғы мәліметтер бойынша, үш сарбаз және бір журналист қаза тапты.

Израиль мен Ливан төтенше оқиға бойынша бірін-бірі айыптап отыр. Атыстың нақты неден туындағаны әзірге белгісіз.

Израиль билігі өзінің екі сарбазы Ливан жақтан атылған оқтан жараланды деп хабарлады. Ливан израильдік сарбаздар шекараны бұзды дегенді айтты.

БҰҰ-ның бітімгерлері екі жақты сабырға шақырды.