Accessibility links

Франциядан сығандардың шығарылуы ЕО саммитіне көлеңке түсірді


Румыния мен Болгария сығандарының Франциядан шығарылуы – Брюссельде бейсенбі күні ашылған Еуропа Одағы басшыларының саммитіне кері салдарын тигізуі мүмкін.

ЕО - ның әділет істері жөніндегі комиссары Вивиан Рединг Францияның сығандарды елден қуғанын Екінші дүниежүзілік соғыс кезіндегі нацистік Германияның сығандарды қудалағанымен салыстырған. Сәрсенбі күні Франция оның салыстырғанын қабылдамай, Редингтің сөзі жөн-жосықсыз айтылған деген.

Франция премьер-министрі болса, ЕО комиссары Гединг ойланбай, ыңғайсыз пікір білдірген дей келе, ЕО-ны Батыс Еуропаға ағылып келіп жатқан сығандар мәселесін тезірек реттеуге шақырды.

Франция билігі жыл басынан бері басқа мемлекеттерден келген 8 мың сығанды елден шығарып жіберді.

ЕО басшылары егер Франция одақтың заңын бұзды деп табылса, жауапты болуы мүмкін деген.

Осыған дейін ЕО саммитінің экономикалық және сыртқы саясат мәселелеріне арналатыны хабарланған.

AzattyqTV

Қырғызстан

Саматтың арманы

Аудиоподкаст

XS
SM
MD
LG