Accessibility links

БҰҰ Пәкістанға көмек ретінде 2 млд.доллар сұрады


БҰҰ Пәкістандағы су тасқынынан зардап шеккен миллиондаған адамға көмектесу үшін әлем елдерінің үкіметтері мен қайырымдылық ұйымдарын 2 млд.доллар қаржы бөлуге шақырған. Бұл қаражат апаттан шығу үшін сұралған өте үлкен сома болып отыр.

Осының алдында қаңтар айында Гаитидегі зілзала құрбандарына 1,5 млд.доллар сұралған болатын. Жұма күні БҰҰ-ның бас хатшысы Пан Ги Мун Пәкістандағы су тасқынын ең жаман табиғат апаты болды деп айтқан.

Ұйымның қаыйырымдылық істер жөніндегі кеңсесі Пәкістандағы 14 миллион халыққа көмектесу үшін 2 миллиард доллар жинауды көздеп отыр деген.

Пәкістандағы су тасқынынан 2 мың адам қаза тауып, 20 миллионнан аса халық баспанасыз қалды. Егінін су шайып, малы қрылып қалған миллиондаған адам құрсағы тойып тамақ ішпеуден түрлі ауруларға шалдығу қаупін күшейтті.

AzattyqTV

Аудиоподкаст

XS
SM
MD
LG