Accessibility links

Чили кеншілерін құтқару операциясы сәрсенбіде басталуы мүмкін


Апат салдарынан жер астында қалған чилилік 33 кеншіні жарыққа шығару шаралары 13 қазанда басталуы ықтимал. Бұл жөнінде Чилидің кен өнеркәсібі министрі Лоуренс Голборн хабарлаған.

Сенбі күні 700 метрдей тереңдікте қамалып қалған шахтерлерді жер бетіне алып шығатын тіке жіңішке жол- саңлауды бұрғылау табысты аяқталған. Кеншілерді арнайы капсуламен бір-бірлеп көтереді.

Чилидің солтүстігіндегі шахтада апат 5 тамыз күні болған, жер астындағы кеншілердің тірі екендігі бірнеше аптадан кейін белгілі болды. Оларға барлық қажетті заттар жеткізіліп тұрды.
XS
SM
MD
LG