Қазақстанның ет өнімдеріне салынған шектеу алынды

Ресейлік Россельхознадзоромның Қазақстанның үш облысынан ет өнімдерін әкелуге салынған шектеуі алынды. Астана мен Мәскеу осыған сәйкес меморандумға қол қойды, деп хабарлайды Қазақстан ауыл шаруашылығы министрлігі.

Осыдан біраз бұрын Қазақстанның Ақтөбе, Батыс Қазақстан және Қостанай облыстарынан Ресейдің Орынбор облысына ет өнімдерін жіберуге тыйым салынған еді.

Министрлік хабарлауынша, енді Орынбор облысының кәсіпкерлері де өз тауарларын Қазақстанның аталған үш облысына экспорттай алады.