Қытай жойғыш ұшағын сынақтан өткізді

Қытайдың алғашқы "Стэлс" жойғыш ұшағы сынақтан сәтті өтті. Бұл туралы бүгін Бейжіңде Қытай президенті Ху Цзиньтао АҚШ қорғаныс министрі Роберт Гейтспен кездесуі барысында мәлімдеді. Оның айтуынша, аталмыш ұшақтың тәжірибеден өткізілуі алдын-ала жоспарланған.

Әскери мәселелерді талқылау үшін Қытайға барған Гейтс дүйсенбі күні қытайлық әріптесімен кездесті.