Accessibility links

Тегеран полициясы оппозиция жетекшісінің үйін қоршап алды


Иран астанасы Тегеранда полиция оппозиция жетекшісі Мир-Хосейн Мусавидің үйін қоршап, телефон байланысын үзіп тастады деп хабарлады Мусавидің сайты.

Полиция Мусавиді Тунис пен Египеттегі халық қарсылығын қолдау мақсатында өткізілетін оппозицияның шеруіне қатыстырмай қойғысы келеді.

Иран билігі оппозиция жетекшілерінің жеке шеру өткізуіне тыйым салып, араб елдеріндегі жаппай толқуларға қатысты өтетін үкіметтік акцияларды қолдауға шақырды.

Билік қарсы болса да, оппозиция шеру өткізуден бас тартқан жоқ.

Иран қауіпсіздік күштері 2009 жылы Тегеранда үкіметке қарсы шерулерді аяусыз басып тастаған.

AzattyqTV

Аудиоподкаст

XS
SM
MD
LG