Кэтрин Эштон Египеттің уақытша билігімен кездеседі

Еуропа Одағының сыртқы істер жөніндегі жоғарғы өкілі Кэтрин Эштон бүгін Египетте елді уақытша басқарып отырған әскери кеңес басшылығымен кездеседі.

Ол уақытша билікті Египетте еркін президент және парламент сайлауларын неғұрлым тезірек ұйымдастырып, өткізуге шақырмақшы.

Эштонның сапары қарсаңында жарияланған Еуропа Одағы мәлімдемесінде, жаппай халық наразылығынан соң Хосни Мүбәрәк биліктен кеткен Египеттегі «демократиялық өзгерістерді» еуропалықтардың қолдайтыны айтылған.