Accessibility links

Сәлім Өтен президент Назарбаевтың үстінен шағым түсіргенін айтты


Қазақстанда президент сайлауына түсуге ниет танытқан Сәлім Өтен қазіргі президент Нұрсұлтан Назарбаевты кандидаттар тізімінен алып тастау жөнінде Жоғары сотқа шағым түсірді.

Сәлім Өтен дүйсенбі күні Орталық сайлау комиссиясының ғимаратында журналистерге берген сұқбатында: «Егер Назарбаев президенттікке кандидаттар тізімінен алынбаса, ондай сайлауға қатысу мен үшін масқара болады. Онда мен өз кандидатурамды алып тастаймын» деді.

Ол Назарбаев қасақана әрі бірнеше мәрте Конституцияның 12-бабының 3-бөлігін және 14-баптың талаптарын орындамай отыр дейді.

Өтеннің айтуынша, Жоғары сот оның шағымын бес күннің ішінде қарап шығуға уәде берген.

Сәлім Өтен сондай-ақ Орталық сайлау комиссиясын да сотқа бергенін айтты.

AzattyqTV

XS
SM
MD
LG