Египет жаңа ішкі істер министрін тағайындады

Египет биліктен кетірілген президент Хосни Мүбәрәкке жақын үкімет өкілдерін орнынан алып, жаңадан ішкі істер министрін тағайындады.

Жаңа министр-генерал Масур әл-Ессауи мемлекеттік МЕНА ақпарат агенттігіне берген сұқбатында, өзінің басым бағыттарының бірі елдегі қауіпсіздікті күшейту екенін айтқан.

Демократияшыл топтар Мүбәрәк билігінен қалған үкіметтің негізгі мүшелері- қорғаныс, әділет, ішкі істер және сыртқы істер министрлерін қайта тағайындауды талап еткен.