Accessibility links

Жапония билігі Ресей үкімет делегациясының Курил аралдарына баруына байланысты Ресейге наразылық білдірді.

Жапония сыртқы істер министрлігінің қызметкері өз елінің наразылығын Токиодағы орыс елшісі Михаил Белыйға телефон арқылы жеткізген.

Жексенбі күні Ресей вице-премьері Сергей Иванов бастаған үкімет делегациясы Итуруп аралына барған еді. Делегация бұл сапарында Сахалин, Курил аралдары мен Владивостокта болуды жоспарлаған.

Итуруп - Жапонияның Ресейден даулап келе жатқан Курил аралдары тізбегіне енетін төрт аралдың бірі. Жапония 1855 жылы шекара және сауда туралы Ресеймен жасалған екіжақты мәмілеге сүйеніп, аталған төрт аралды өзіне қайтарып беруді сұрайды. Кремль болса Екінші дүниежүзілік соғыс нәтижесі бойынша әлгі төрт арал Совет одағының құрамына алынғанын алға тартады.

AzattyqTV

Екінші Елизавета

91 жастағы патшайым

Аудиоподкаст

XS
SM
MD
LG