Ауғанстанда НАТО-ның төрт сарбазы мерт болды

Ауғанстанда жексенбі күні НАТО-ның төрт жауынгері қаза болды.

Елдің шығысында халықаралық коалиция күштерінің тікұшағы апатқа ұшырап, ондағы екі сарбаз қаза тапқан.

Ауғанстанның оңтүстігінде фугас жарылысынан НАТО жауынгері көз жұмды.

Тағы бір сарбаз бүлікшілер шабуылының құрбаны болды. Алайда оның дәл қай жерде, қандай жағдайда қаза болғаны туралы әзірге өзгедей ақпарат берілмеді.