"Ақ жол" партиясының жаңа жетекшісі сайланды

Азат Перуашев "Ақ жол" партиясының жетекшісі болып сайланды. Бұл шешім бүгін партия съезінде қабылданды.

Осы уақытқа дейін аталмыш партияны басқарып келген Әлихан Бәйменов президент жарлығымен мемлекеттік қызмет істері жөніндегі агенттіктің төрағасы болып тағайындалды.

Жұма күні Қазақстанның ұлттық экономикалық палатасы «Атамекеннің» төрағасы Азат Перуашев президенттік «Нұр Отан» партиясынан кеткен болатын.