Accessibility links

БҰҰ Қауіпсіздік кеңесі Сириядағы жағдайды қарастырды


БҰҰ Қауіпсіздік кеңесінде сәрсенбі күні жабық жиын барысында Сириядағы жағдай туралы баяндама тыңдалды.

Баяндамада елде толқу басталғаннан бері 2 мың адамның билік қолынан қаза тапқаны айтылды. 13 мың адам қамауға алынып, ондаған мың тұрғын көрші Түркияға бас сауғалап кеткен.

Қаза тапқандар мен қамалғандардың көпшілігінде қару болмаған. БҰҰ-дағы Ұлыбританияның өкілі Филип Пархэмнің айтуынша, Сирия оппозицияны басып-жаныштауды тоқтатпаса, Қауіпсіздік кеңесі "қосымша шараларға" барады.

Сирияның осы ұйымдағы өкілі Башар Жаафари келтірілген деректерді дұрыс емес деп бағалады. Ол Сириядағы ахуалды Ұлыбритания қалаларындағы тәртіпсіздіктермен салыстырды.

AzattyqTV

XS
SM
MD
LG