Accessibility links

АҚШ он жыл бұрынғы террорлық шабуылда құрбан болғандарды еске алды


Бұрынғы әлемдік сауда орталығы тұрған жерде ашылған мемориал. Нью-Йорк, 11 қыркүйек 2011 ж.

Бұрынғы әлемдік сауда орталығы тұрған жерде ашылған мемориал. Нью-Йорк, 11 қыркүйек 2011 ж.

Жексенбі күні АҚШ халқы осыдан тура он жыл бұрын Құрама Штаттарға қарсы жасалған террорлық шабуылдарда құрбан болғандарды еске алды.

Нью-Йорк қаласында, Пенсильвания штатындағы Шенксвил қалашығында және Пентагонда өткен аза тұту шараларына АҚШ президенті Барак Обама қатысты. Нью-Йорктегі еске алу шарасында АҚШ-тың бұрынғы президенті Джордж Буш та болды.

- Террорлық шабуыл жасалған 2001 жылғы 11 қыркүйектен бері өткен жылдар Американың үрейге бой алдырмайтын, мықты, қайыспас ел екендігін көрсетті, - деп мәлімдеді президент Барак Обама.

Нью-Йорктегі бұрынғы әлемдік сауда орталығының қос мұнарасы тұрған жерде арнайы мемориал ашылды. Ондағы қола тақталарда бұдан он жыл бұрын дәл осы жерде қаза тапқандардың барлығының аты-жөндері қашап жазылған.

2001 жылы қыркүйектің 11-інде жанкешті-бүлікшілер тобы төрт жолаушы ұшағын басып алып, Нью-Йорктегі әлемдік сауда орталығының қос мұнарасын, Пентагон мен Ақ үйді нысанаға алған еді. Террорлық шабуыл салдарынан үш мыңға жуық адам қаза болды.

AzattyqTV

Беларусь аймақтары

«Ашулы белорус» марштары

Аудиоподкаст

XS
SM
MD
LG