Accessibility links

Британ премьері патша отбасының мұрагерлік жүйесін өзгертуді ұсынды


Британ патшайымы Елизавета жұбайымен бірге күймеде отыр. Лондон, 25 мамыр 2010 ж.

Британ патшайымы Елизавета жұбайымен бірге күймеде отыр. Лондон, 25 мамыр 2010 ж.

Британ премьер-министрі Дэвид Кэмерон патша әулетінің мұрагерлік жүйесіне өзгерістер енгізу туралы бастама көтеріп отыр.

Мысалы, ол британ патшасының тағына мұрагерге католик дініндегілермен некеге отыруға салынған тыйымды жоюды, сондай-ақ, патша ұрпақтарының мұрагерлік құқығын олардың жынысына қарамастан бірдей етіп теңестіруді ұсынады. Кэмерон өзінің бұл ұсынысын өмірдің барлық саласында адамды жынысына қарап бөлмей, тең дәрежеде құқық беру қажеттігімен түсіндіреді.

Алайда, премьер-министрдің бұл ұсынысы заңды күшіне ену үшін, британ патшасын мемлекет басшысы ретінде танитын Ұлттар Қауымдастығына мүше 15 елдің келісімі керек.

Букингем сарайы бұл мәселеге байланысты пікірталасқа қатыспайтынын айтып отыр.
XS
SM
MD
LG