Грекияның жаңа үкіметі қызметіне кірісті

Грекия парламенті премьер-министр Лукас Пападемоас басқаратын жаңа үкіметке сенім білдіріп, үкімет қызметіне кірісті.

Премьер-министр жаңа үкіметтің алға қойып отырған басты міндеті - өткен айда Еуропа одағы саммитінде бекітілген 130 миллиард еуро көмек қаржыны ратификациялау екенін айтты. Бұл үшін елде халықтың наразылығын туғызған қатаң экономикалық шаралар жүзеге асырылады.

Грекияның бұрынғы премьер-министрі Георгиос Папандреу елдегі қаржылық дағдарыстың кесірінен өткен аптада отставкаға кеткен.